Синоптиктер сәуір айына арналған ауа райы болжамын жариялады, деп хабарлайды Stan.kz ақпарат агенттігі.
Қазгидрометтің мәліметінше, сәуір айында күн біртіндеп жылына бастайды. Ауаның орташа тәуліктік температурасының 0°C арқылы оң мәндерге тұрақты ауысуы республиканың солтүстігінде бірінші онкүндікте жүреді, үшінші онкүндікте бұл аймақтарда орташа тәуліктік температура +5°C-тан асады. Қазақстанның оңтүстігінде бірінші онкүндікте ауаның орташа тәуліктік температурасы + 10°С-тан жоғары өзгереді.
Сәуірде наурыз айымен салыстырғанда жауын-шашын мөлшері көбейеді. Аумақтың көп бөлігінде жауын-шашын мөлшері 15-30 мм, Қазақстанның шығысында кей жерлерде 50-90 мм, елдің оңтүстігі мен оңтүстік-шығысының тау бөктері мен таулы аймақтарында 100-150 мм құлайды. Кейде жауын-шашын мөлшері көпжылдық мәндерден 4-5 есе асып кетуі мүмкін.
Қазақстанның барлық аймағында найзағай болады деп күтіледі. Ал тұман — негізінен Қазақстанның солтүстік жартысында байқалады.
Консультативтік болжамға сәйкес, 2021 жылы сәуірде республиканың басым бөлігінде ауаның орташа айлық температурасы Маңғыстау, Атырау, Қызылордыр, Түркістан облыстарында +2 +9°С құраса, Батыс Қазақстан, Ақтөбе, Жамбыл, Алматы облыстары, Қарағанды облысының оңтүстік-батысында +10 +16°С болады.
Каспий теңізінің оңтүстігінде және республиканың батысында және солтүстік жартысында тұрақсыз ауа-райы қалыптасады. Солтүстігінде және оңтүстіктегі таулы аймақтарында, Қазақстанның оңтүстік-шығысы мен шығысында аралас жауын-шашын әлі де болуы мүмкін. Кей жерлерде желдің күшеюі 15-20, екпіні 23-28 м/с-ге дейін жетеді. Республиканың кей жерлерінде найзағай, бұршақ болуы мүмкін.
Бірінші онкүндіктің басында Қазақстанның басым бөлігінде ауа-райы көбінесе жауын-шашынсыз болады деп күтілуде, тек батыста және оңтүстік-шығыс бөлігінде жауын-шашын болады. Бірінші онкүндіктің ортасынан бастап республикада ауа-райы тұрақсыз болады деп күтілуде. Тұман түсіп, мұз қатады.
Бірінші онкүндікте ауа температурасы түнгі және күндізгі жоғарылауы күтіледі:
— батыста түнде +2 +7°С дейін, күндіз +5 +15°С дейін;
— солтүстікте, солтүстік-батыста, орталықта және шығыста бірінші онкүндіктің екінші жартысында түнде -5 -15°С, -2 +3°С, күндіз +2 +10° дейін, орталықта және шығыста +13°C дейін;
— республиканың оңтүстігі мен оңтүстік-шығысында түнде -8°С-ден +2 +10°С-ге дейін, күндіз +5 +15°С-тан +10 +23°С-қа дейін.
Бірінші онкүндіктің соңында Қазақстанның солтүстік жартысында түнгі температураның төмендеуі болжануда.
Сәуірдің екінші және үшінші онкүндігінде Иран мен Орталық Азия аймақтарынан жылы ауа массалары жылжыған кезде температура жоғарылауы мүмкін.
— Елдің солтүстігінде, орталығы мен шығысында күндіз +15 +25°С дейін;
— Қазақстан Республикасының оңтүстік облыстары мен батысында +20 +30°С дейін.
Алайда, суық ауа райының қайта оралуы және ауа температурасының едәуір төмендеуі жоққа шығарылмайды.
Ескерту: ай сайынғы болжам синоптикалық жағдайдың өзгеруіне байланысты түзетілетін және онжылдықтағы ауа-райы болжамымен жаңартылатын кеңес беруші ретінде қолданылуы керек.
