Алматы қаласы бойынша Мемлекеттік қызмет істері департаменті мемлекеттік органдардың персоналды басқару қызметінің өкілдері үшін мемлекеттік қызметшілердің жауапкершілігін қарау кезінде тәртіптік жаза қолдану қағидаларының негізгі ережелерін түсіндіру бойынша семинарлар өткізу тәжірибесін енгізді.
Бүгінгі семинарға Алматы қаласының мемлекеттік кірістер органдары мен көліктік бақылау инспекциясының өкілдері қатысты.
Спикермен қызметтік тергеу жүргізу тәртібі, мемлекеттік қызметшілердің елеулі, елеусіз және өрескел теріс қылықтар жасағаны үшін тәртіптік жаза қолдану кезіндегі рәсімнің сақталуы, мемлекеттік қызметшілерден жазаларды мерзімінен бұрын алып тастау, сондай-ақ тәртіптік комиссияның құрамын қалыптастыру және олардың отырысының нәтижелерін ресімдеу мәселелері түсіндірілді.
Семинар соңында спикер практикалық мәселелер бойынша жеке кейстерді қарастыруды ұсынды.
Мемлекеттік органдардың осындай іс-шараларды өткізуге мүдделілігін ескере отырып, Департамент осы бағыттағы жұмысты жалғастыратын болады.
Мемлекеттік қызмет саласындағы бақылау басқармасы
