Нұр-Сұлтанда қосымша карантин шаралары енгізілуі мүмкін. Бұл туралы қаланың бас санитар дәрігері Сархат Бейсенова мәлімдеді, — деп хабарлайды Tengrinews.kz тілшісі.
10 наурызда астана «қызыл аймаққа» ауысқан болатын. Сархат Бейсенованың сөзінше, қалада коронавирусқа байланысты жағдай тұрақты емес.
«Егер қала бес күн бойы «қызыл» аймақта болса және жағдай нашарлай бастаса, онда қосымша шаралар қабылданады. Сондықтан жағдайға қараймыз. Бүгін «қызыл» аймақта жүргенімізге үш күн болды. Егер жағдай нашарлап кетпесе, қазіргі жағдайда қаламыз», — деді Бейсенова.
