Франциялық Carmat компаниясы литий-ионды аккумуляторлармен жұмыс істейтін жасанды жүрек жасады, — деп хабарлайды Unilad.
Басылым мәліметінше, Aeson деп аталатын жасанды жүрек адам жүрегінен үш есе үлкен және смартфондарға қуат беретін литий-ионды аккумуляторлардан қуат алады. Компания жасанды жүрегін 27 жыл бойы әзірлегені атап өтілді.
Unilad
Carmat компаниясының жасанды жүрегі адам жүрегінің қызметін имитациялайды және қан ағынын жеңілдететін төрт биологиялық қақпақшасы, екі қарыншасы, екі микропомпасы және қондырылған сезбектері, сонымен қатар оның жұмысын бақылау үшін сыртқы жабдықты, батареялар орнатылған консолі бар.
Компания жасанды жүректі сату үшін еуропалық реттеушілердің рұқсатын 10 жыл күткен. Осылайша, Carmat еуропалық тарихта бірінші болып 2021 жылдың екінші жартысында нарыққа шығатын жасанды жүректің маркетингілік рұқсатын алды.
