Мәжілісте қазақстандықтар еліміздің гимнін сирек орындайды деген қорытындыға келді. Қазір ол күн сайын мектептер мен балабақшаларда ғана айтылады. Ал ересектер оны шырқай бермейді. Бұл жағдай депутат Қуаныш Сұлтановтың ашуын тудырды. Бұл туралы Stan.kz ақпарат агенттігі КТК арнасына сілтеме жасап хабарлайды.
«Әнұранды балабақшалардағы балалар ғана емес, ересек тұрғындар да шырқауы керек. Әрине, арнайы іс-шараларда гимн ойналады, бірақ сол кездің өзінде барлығы бәрін дұрыс жасай бермейді. Кейбіреулер қолын кеудесіне жақындатпайды және қолын тікелей асқазанына қояды. Мұның бәрі біздің бюрократиялық сипатымызды көрсетеді. Қазақстандықтар әнұранды жүректерінде сақтап, онымен күн сайын бірге тұруы тиіс», — деді депутат Қуаныш Сұлтанов.
Қазақстандықтар еліміздің бас әнін сирек шырқайтыны туралы Сұлтанов мәжіліс отырысында айтты. Жиналыста фонограммамен ән шырқайтын әртістер көп талқыланды.
Депутат әнұранның жанды дауыспен айтылғанын жиі естігісі келетінін атап өтті. Оны әрбір қазақстандық күн сайын орындауы тиіс, деп есептейді мәжілісмен.
Бұған жауап ретінде мәдениет министрі депутатқа әлеуметтік желілердегі челлендждерді еске салды. Райымқұлова қазақстандықтардың патриотизміне риза екенін жеткізді.
