Ұстаз өлімінің ақиқаты ашылсын!

ҚР ДЕНСАУЛЫҚ МИНИСТРІНІҢ НАЗАРЫНА!

АШЫҚ ХАТ
29 маусымда Нұр-Cұлтан қаласының «№ 1 қалалық аурухана» ШЖҚ МКК-де ҚР мәдениет қайраткері, филология ғылымының кандидаты, әдебиеттану доценті, белгілі журналист Қуандық Шамахайұлы қайтыс болды. Марқұм өзіне қастандық жасалуы мүмкін екенін ескертіп, қаралы хабар тарағанға дейін 6 сағат бұрын әлеуметтік желідегі жеке парақшасында жазба қалдырған. «Астанадағы Бірінші клиникадағы КВИ 1-палатада емделіп жатырмын (хат өзгеріссіз беріліп отыр). Кешеден бері дəрігерлер ковид тексеріс жасаймыз деп жүрген. Шырт ұйқыда жатыр едім сағат 02.00-де дəрігер мен медик жігіт келіп қағазға қол қойдырды да
кетті. Сəлден кейін мед жігіт келіп аузыма бір ақ дəрі салды да су ішкізді. Менен басқасына бермеген. Не зат десем вирустан сақтайды дейді. Қастандық шығар деп күмəндімін. 3 литр су іштім. Неге маған арнаған? Əрекеттері күмəнді. Ештеңе түсіндірмейді», – деп жазды ол Facebook парақшасында. Ел ішін коронавирус пандемиясы жайлап, бойымызды үрей билеген тұста қоғамға белгілі тұлғаның жұмбақ жағдайда көз жұмуы,
онсыз да билікке сенімі азайған халықтың көңіліндегі күдігін күшейтіп, дәрігерлердің беделіне нұқсан келтіретіні анық. Осы орайда, құзырлы органдардан Қуандық Шамахайұлының өліміне қатысты тексерісті ашық әрі жариялы түрде жүргізуді талап етеміз. Науқас қабылдаған препараттың атауы мен оның қандай емге қолданылатыны барлығы ашық айтылуы тиіс. Тергеу қорытындысы бойынша БАҚ алдында ресми мәлімдеме жасалуы керек! Қуандық Шамахайұлы – Қазақстан аумағында жүздеген шәкірт тәрбиелеген білікті ұстаз. Жас журналистердің азаматтық көзқарасының қалыптасуына, кәсібіне адал болуына бір кісідей ықпал еткен білімді тұлға. Ол кісінің шәкірттері бүгінде елдегі белді БАҚ-тарда ел мүддесі үшін еңбек етіп жүр. Марқұм ғалым ретінде артына құнды ғылыми еңбектер мен кітаптар жазып қалдырды. Мемлекетіміздің дамуы үшін, қоғамдағы қилы мәселелерді өткір көтерген арда азаматқа қастандық жасау, бүкіл қазақ қоғамына қол
көтерумен тең.
Қуандық Шамахайұлының шәкірттері:

Айгерім Аханова,

Алмат Атамбаева,

Ақбота Аманжолқызы,

Сағыныш Әбілова,

Ақмарал Баязитова,

Ерболат Үрімхан,

Жомарт Рахымжан,

Жазира Есенхан…
Барлығы 16 адам қол қойған.
«Заң газеті» де Қуандық Шамахайдың
өліміне қатысты істі бақылауында ұстайды.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.