Елімізде ағаштың кей түрлерін экспорттауға тыйым салынуы мүмкін 

Қазақстанда ағаш материалдарының жекелеген түрлерін ел аумағынан әкетуге алты ай мерзімге тыйым салу жоспарланып отыр, деп хабарлайды BAQ.KZ.

Құжатта шығарылған еліне қарамастан, тауарлардың жекелеген түрлерін Қазақстан аумағынан әкетуге тыйым салу көзделген.

Шектеу ЕАЭО Сыртқы экономикалық қызметінің тауар номенклатурасы (СЭҚ ТН) бойынша 4401, 4403, 4404, 4406 және 4407 кодтарына жататын тауарларға қатысты болады.

Сонымен қатар, бірқатар ерекшелік қарастырылған. Атап айтқанда, тыйым теміржол және трамвай жолдарына арналған қылқан жапырақты ағаштардан жасалған ағаш шпалдарға, сондай-ақ, Қазақстанда өндірілген ағаш түйіршіктеріне (пеллеттерге) қолданылмайды.

Бұйрық жобасында атап өтілгендей, бұл бастама отандық ағаш өңдеу өнеркәсібін дамытуға бағытталған.

Құжат Қазақстан Республикасының заңнамасына және Еуразиялық экономикалық одақ туралы шарттың нормаларына сәйкес әзірленген.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.

Алматы халқының саны 2040 жылға қарай 3,6 миллионға жетуі мүмкін

Алматының жаңа бас жоспары бойынша, 2040 жылға қарай қала халқының саны 3,6 миллион адамға жетеді деп болжанып отыр.

Жалған ақпарат, ұрланған фото, жеке деректер: Жаңа заңда қандай жауапкершілік қарастырылуы мүмкін? 

Цифрлық ортада адамның ар-намысы, жеке өмірі мен беделін қорғау мәселесі өзекті. Жаңа Азаматтық кодекске ұсыныс айтылды.

Қазақстанда электромобильдер саны 43 мыңнан асты 

Электромобильдер ең көп шоғырланған өңір – Алматы қаласы.