Адамзат өркениетінің қазіргі кезеңінде ақпараттық технологиялардың жедел дамуы, сондай-ақ цифрландыру процесі адам өмірін жеңілдеткенімен жас ұрпақтың девиантты мінез-құлқының жаңа әрі күрделі формаларының туындауына түрткі болуда. Оның бірі лудомания— жай ғана психологиялық тәуелділік емес, ол жасөспірімді қаржылық ресурстарды заңсыз табуға, яғни киберқылмысқа итермелейтін алғашқы қадам болып табылады. Бұл мәселелер тек ақпараттық қауіпсіздік аясында ғана емес, сонымен бірге тұлғаның құқықтық әлеуметтенуі мен рухани адамгершілік дамуы тұрғысынан кешенді зерттеу ғылыми тұрғыдан өзекті мәселе болып табылады.
Кәмелетке толмағандардың эмоционалдық жетілмегендігін нәтижесінде жасөспірім құмар ойынға тәуелді болып, өз әрекетінің сипатын толық аңғармастан, екінші деңгейдегі қылмыстық жауаптылыққа әкеліп соқтырады.
Бұл әрекеттердің алдын алу мақсаты-жасөспірімдер арасындағы құмар ойындарға тәуелділіктің өсуін және оның киберқылмыстық әрекеттердің пайда болуымен өзара байланысын талдай отырып, бұл құбылыстың психологиялық, әлеуметтік және заңды аспектілерін қарастыру, сонымен қатар отбасылық бақылау, ата-ананың тарапынан баланың әлеуметтік желідегі белсенділігі мен қаржылық жұмсалымдарын қатаң бақылау секілді қылмыстық жауаптылықтың алдын алу шараларын ұйымдастыру болып табылады.
Қорытындылай келе, жасөспірімдер арасындағы лудомания мен киберқылмыс-бұл бір бірімен тығыз байланысты, қазіргі қоғам үшін үлкен қауіп төндіретін цифрлық кезеңнің әлеуметтік дерті. Ойынға деген қызығушылықты болдырмау, жастардың заң бұзушылыққа итермелейтін, олардың болашағына кері әсерін тигізетін әрекеттерді алдын алу бірлескен жүйелі жұмысты қажет етеді.
Сақи Қымбат Бердібекқызы, Маңғыстау облысының кәмелетке толмағандардың істері жөніндегі мамандандырылған ауданаралық соты әкімшісі басшысының орынбасары
