Абай облысы бойынша ҚАЖ департаментінің қауіпсіздігі барынша жоғары мекемесінің қызметкерлері Семей қаласы әкімдігінің Жұмыспен қамту орталығы қалалық прокуратурамен бірлесіп ұйымдастырған бос жұмыс орындары жәрмеңкесіне қатысты.
Іс-шара азаматтарды жұмыспен қамтуға жәрдемдесуге, сұранысқа ие бос жұмыс орындары мен еңбек жағдайлары туралы өзекті ақпарат беруге бағытталды. Жәрмеңкеге қатысушылар түрлі ұйымдардың өкілдерімен тікелей тілдесіп, кандидаттарға қойылатын талаптармен танысып, өздеріне қолайлы жұмыс орнын таңдауға мүмкіндік алды.
Мекеме қызметкерлері қатысушыларға қылмыстық-атқару жүйесінде қызмет өткеру мүмкіндіктері туралы айтып берді. Жәрмеңкеге қатысушыларға кіші және орта басшы құрам лауазымдары бойынша бос жұмыс орындары ұсынылып, кандидаттарға қойылатын негізгі талаптар, қызметке қабылдану тәртібі, қызмет өткеру шарттары мен әлеуметтік кепілдіктер түсіндірілді.
Жәрмеңке қорытындысы бойынша 10-нан астам қатысушы мекемеге қызметке орналасуға қызығушылық танытып, жұмысқа орналасу рәсімін жалғастыруға ниет білдірді. Қазіргі уақытта әлеуетті кандидаттар қажетті құжаттарды жинауға және белгіленген рәсімдерден өтуге кірісті.
— Бірнеше жыл бұрын жоғары білім туралы диплом алдым, алайда осы уақытқа дейін өзіме шын мәнінде қызықты жұмыс таба алмадым. Бүгін жәрмеңкеде ҚАЖ-да қызмет өткеру мүмкіндігі, кандидаттарға қойылатын талаптар, қызмет жағдайлары мен әлеуметтік кепілдіктер туралы толық ақпарат алдым. Бұл ақпарат мені қызықтырды. Енді қажетті құжаттарды жинап, әрі қарай жұмысқа орналасу үшін барлық белгіленген кезеңдерден өтуді жоспарлап отырмын, — деді жәрмеңке қатысушысы.
— Бос жұмыс орындары жәрмеңкесі азаматтарды жұмыспен қамтуға жәрдемдесудің тиімді нысандарының бірі болып табылады. Мұндай іс-шаралар адамдарға әлеуетті жұмыс берушілермен тікелей тілдесіп, бос жұмыс орындары мен еңбек жағдайлары туралы толық ақпарат алуға, сондай-ақ кәсіби қызметтің өздеріне қолайлы бағытын анықтауға мүмкіндік береді. Біз үшін осындай жәрмеңкелерге қатысу — қызметіміз, оның ерекшеліктері мен перспективалары туралы айтып, ҚАЖ қатарына ынталы әрі жауапты кандидаттарды тартуға мүмкіндік береді. Мекеме қызметкерлерінің бос жұмыс орындары жәрмеңкелеріне қатысуы халықты жұмыспен қамту мүмкіндіктері туралы ақпараттандыруға және қылмыстық-атқару жүйесіне білікті кадрларды тартуға ықпал етеді, — деп атап өтті мекеме бастығының орынбасары Женис Дауренбеков.
