Жамбыл облысы кәмелетке толмағандардың істері жөніндегі мамандандырылған ауданаралық сотымен Әкімшілік құқық бұзушылық туралы Кодексінің (әрі қарай – ӘҚБтК) 127-бабының 1-бөлігінде көзделген әкімшілік құқық бұзушылық жасағаны үшін (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) бойынша азамат С.-ға қатысты әкімшілік іс қаралды.
Іс материалдарына сәйкес, Жамбыл облысы, Меркі ауданының тұрғыны азамат С. өз үйінде жасы кәмелетке толмаған ұлы Ж-нің көзінше алкогольдік ішімдік ішіп, кәмелет жасына толмаған ұлына кері әсерін тигізген. Аталған жағдайға байланысты, С.-ға қатысты ӘҚтК-тің 127-бабының 1-бөлігінің негізінде әкімшілік құқық бұзушылық жөнінде хаттама толтырып, іс қозғалған.
Өз кезегінде құқықбұзушы С. әкiмшiлiк құқық бұзушылық жасаған кінәсін толығымен мойындап, сотта С.-нің ата-аналық міндеттерін тиісті түрде орындамағаны бойынша әкімшілік құқық бұзушылық белгілері бар қасақана әрекеті жасағаны іске тіркелген құжаттармен толық дәлелденген.
ӘҚБтК-нің 127-бабының 1-бөлігіне сәйкес, жасалынған құқық бұзушылық үшін он айлық есептік көрсеткіш мөлшерінде айыппұл салуға әкеліп соғады.
Сот қаулысымен құқықбұзушы С. ӘҚБтК-нің 127-бабының 1-бөлігімен кінәлі деп танылып, оған 7 айлық есептік көрсеткіш мөлшерінде, яғни 30 275 (отыз мың екі жүз жетпіс бес) теңге айыппұл салу түріндегі әкімшілік жаза тағайындалды.
Қаулы заңды күшіне енген жоқ.
Өз тілшіміз.
