Тыйым салынған жерде суға түскендерге 30 мың теңгеден астам айыппұл салынады 

Қазақстанда рұқсат етілмеген жерлерде суға түскен азаматтарға 7 АЕК мөлшерінде айыппұл салынады. Бұл шамамен 30 мың теңгеден асады. Бұл туралы Апаттар медицинасы орталығы филиалы басшысының орынбасары Ерлан Жұмақанов мәлімдеді, деп хабарлайды BAQ.KZ.

Маманның сөзінше, суға кетудің бірнеше түрі бар. Ең жиі кездесетіні – шынайы суға кету. Мұндай жағдайда адам біраз уақыт өмірі үшін арпалысып, ақырында су жұтып қояды.

Ал асфиксиялық суға кету кезінде адамның көмейі түйіліп, ауа жетпей тұншығу басталады. Суық суға түскен кезде жүрек пен тыныс алу кенет тоқтап қалатын жағдайлар да кездеседі.

Сондай-ақ аралас түрі болады. Мысалы, адам суда есінен танып қалып, кейін есін жиғанымен, абдырап, өзін құтқара алмай суға кетуі мүмкін.

Дәрігердің айтуынша, суға кеткен адамды анықтайтын негізгі белгілер – ес-түсінің болмауы, сұрақтарға жауап бермеуі, тыныс алмауы және тамыр соғысының сезілмеуі.

Мұндай жағдайда адамның тынысын, тамыр соғысын және көз қарашығының реакциясын тексеру керек. Егер бұл белгілер байқалмаса, дереу жүрек-өкпе реанимациясын бастау қажет, – деді Ерлан Жұмақанов өңірлік коммуникациялар қызметінде өткен брифингте.

Мамандар азаматтарды тек арнайы жабдықталған жағажайларда шомылуға және қауіпсіздік талаптарын сақтауға шақырады. Өйткені рұқсат етілмеген жерде суға түсу айыппұлмен қатар, қайғылы жағдайларға да себеп болуы мүмкін.

Қаржы пирамидаларын жарнамалаған блогерлер 4 жылға дейін бас бостандығынан айырылуы мүмкін 

Қазақстанда қаржы пирамидаларын жарнамалаған блогерлер мен танымал тұлғалар заң алдында жауапқа тартылуы мүмкін.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.