Қаржы пирамидаларын жарнамалаған блогерлер 4 жылға дейін бас бостандығынан айырылуы мүмкін 

Қазақстанда қаржы пирамидаларын жарнамалаған блогерлер мен танымал тұлғалар заң алдында жауапқа тартылуы мүмкін. Егер олар әлеуметтік желідегі парақшалары арқылы азаматтарды күмәнді жобаларға ақша салуға шақырса, әрекеті қылмысқа қатысу ретінде бағалануы ықтимал. Бұл туралы Алматы қаласы бойынша Экономикалық тергеу департаменті басқармасының басшысы Дилар Қоғабаев айтты, деп хабарлайды BAQ.KZ тілшісі. 

Оның сөзінше, Қазақстан заңнамасында қаржы пирамидаларын жарнамалағаны үшін жауапкершілік қарастырылған. Қылмыстық кодекстің 217-1-бабы бойынша мұндай әрекет үшін төрт жылға дейін бас бостандығынан айыру жазасы көзделген.

Жарнама мен қылмысқа қатысудың жауапкершілігін ажырата білу керек. Егер медиа тұлға өзінің аккаунты, Instagram немесе басқа әлеуметтік желілер арқылы азаматтарды қаржы пирамидасына тартса, оның әрекеті қылмысқа қатысу ретінде саралануы мүмкін, – деді Дилар Қоғабаев.

Осылайша, қаржы пирамидаларын әлеуметтік желілерде жарнамалаған блогерлер мен танымал тұлғалар тек жарнама үшін ғана емес, жобаның қызметіне қатысуына қарай қылмыстық жауапкершілікке де тартылуы мүмкін.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.

Енді сабақтан жиі қалатын оқушылар полицияның бақылауында болады

Қазақстанда 21 қарашадан бастап балаларды есепке алу және мектептегі буллиңнің алдын алу қағидаларына өзгерістер енгізіледі.