Енді аулада көлікті кез келген жерге қоя алмайсыз: 1 шілдеден бастап не өзгереді? 

1 шілдеден бастап Қазақстанда тұрғын үйлердің аулалары мен оған іргелес аумақтарда автокөліктерді орналастыруға қатысты жаңа талаптар күшіне енеді, деп хабарлайды BAQ.KZ тілшісі.

Жаңа ережелерге сәйкес, аулалар мен автотұрақтарды жобалау кезінде көліктердің көгалдарға шығып кетуіне жол бермейтін арнайы физикалық бөгеттер орнатылуы тиіс. Бұл шара жасыл желектерді қорғауға және аула аумағын тиімді пайдалануға бағытталған.

Сонымен қатар тұрғындарға кварталішілік және аулаішілік жолдарға өз бетінше түрлі кедергілер қоюға тыйым салынады. Атап айтқанда, темірбетон блоктар, бағандар, қоршаулар және басқа да шектеу құралдарын рұқсатсыз орнатуға болмайды.

Жаңа талаптарға сәйкес, тұрғын үй маңындағы аумақтарда көліктерді мына жерлерге қоюға немесе тоқтатуға рұқсат етілмейді:

  • автотұрақ ретінде белгіленбеген орындарға;
  • тротуарларға;
  • балалар ойын алаңдарына;
  • жасыл желектер орналасқан аумақтарға;
  • қоқыс контейнерлері тұрған алаңдарға және олардың маңына.

Бұдан бөлек, ұзақ уақыт бойы пайдаланылмайтын, бөлшектелген немесе техникалық жарамсыз күйдегі көліктерді де аулада қалдыруға болмайды. Мұндай көліктер аула кеңістігін тарылтып қана қоймай, тұрғындардың қауіпсіздігіне де кері әсер етуі мүмкін.

Мамандардың айтуынша, енгізіліп отырған өзгерістер аулалардағы бейберекет тұрақ мәселесін азайтып, балалардың қауіпсіздігін қамтамасыз етуге, сондай-ақ жедел жәрдем, өрт сөндіру және коммуналдық қызмет көліктерінің кедергісіз қозғалуына мүмкіндік береді.

Осылайша, 1 шілдеден бастап жүргізушілер көліктерін аулада қалдырмас бұрын жаңа талаптарды мұқият ескергені жөн. Әйтпесе, заңнамада қарастырылған жауапкершілікке тартылу қаупі бар.

Қаржы пирамидаларын жарнамалаған блогерлер 4 жылға дейін бас бостандығынан айырылуы мүмкін 

Қазақстанда қаржы пирамидаларын жарнамалаған блогерлер мен танымал тұлғалар заң алдында жауапқа тартылуы мүмкін.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.