Атырау облысы бойынша ҚАЖ департаментінің №79 мекемесінде жазасын өтеуші әйелдер арасында спартакиадалық жарыс ұйымдастырылды. Іс-шараның негізгі мақсаты – салауатты өмір салтын насихаттау, дене шынықтыру мен спортқа деген қызығушылықты арттыру, сондай-ақ сотталғандардың бос уақытын тиімді ұйымдастыру.
Жарыс барысында қатысушылар спорттың бірнеше түрінен өзара бақ сынап, ептіліктері мен шеберліктерін көрсетті. Спартакиадаға қатысушылар жоғары белсенділік танытып, командалық рух пен өзара қолдаудың үлгісін көрсетті.
Мұндай спорттық шаралар сотталғандардың денсаулығын нығайтуға, жағымды психологиялық ахуал қалыптастыруға және оларды қоғамға бейімдеу жұмыстарына оң ықпал етеді.
Жарыс қорытындысы бойынша жеңімпаздар мен белсенді қатысушылар мекеме әкімшілігі тарапынан марапатталатын болады.
