24 маусым – еліміздегі судьялар және сот қызметкерлері күні. Бұл – заң мен тәртіптің сақталуына, азаматтардың құқықтары мен бостандықтарының қорғалуына қызмет етіп жүрген мыңдаған мамандырдың еңбегіне көрсетілген құрметтің белгісі.
Сот – мемлекеттің әділдік пен заң үстемдігін қамтамасыз ететін маңызды институттарының бірі. Ал оның үздіксіз әрі тиімді жұмыс істеуі тек судьялардың ғана емес, сот жүйесінде қызмет атқаратын әрбір маманның кәсібилігі мен жауапкершілігіне байланысты. Сот жүйесіндегі қызмет жоғары білім мен кәсіби біліктілікті ғана емес, адалдық, әділдік, сабырлылық пен адамгершілікті талап етеді. Бүгінде еліміздің сот жүйесі заман талабына сай жаңғырып, цифрлық технологиялар кеңінен енгізілуде. Сот төрелігінің қолжетімділігі артып, ашықтық пен жариялылық қағидаттары нығая түсуде. Осы өзгерістердің нәтижелі жүзеге асуына сот қызметкерлері де өздерінің кәсіби білімі мен тәжірибесін жұмсап келеді.
Сот жүйесіне деген халық сенімі – мемлекеттің құқықтық дамуының маңызды көрсеткіші. Еліміздің игілігі жолындағы қызметтеріңіз жемісті болып, абыройларыңыз арта берсін. Кәсіби мереке құтты болсын!
А.Исахаева, Қызылорда қаласының мамандандырылған тергеу сотының жетекші маманы
