БЖЗҚ қаражатын алудың балама жолы қандай?

Қазақстанда зейнетақы жинақтарының жеткілікті шегі екі есеге жуық көтерілді. Бұл өзгеріс көптеген азаматтың БЖЗҚ-дағы қаражатын тұрғын үй немесе емделу мақсатында пайдалану мүмкіндігін шектеді. Алайда қаржы сарапшысы Сұлтан Елемесов жеткілікті шегін айналып өтудің заңды жолы бар екенін айтты, деп хабарлайды BAQ.KZ тілшісі.

Сарапшының сөзінше, мұндай мүмкіндік сақтандыру аннуитеті арқылы жүзеге асады.

Көп адам білмейді, бірақ екі есеге жуық көтерілген зейнетақы жинақтарының жеткілікті шегін айналып өтудің бір жолы бар. Ол – сақтандыру аннуитеті, — дейді Елемесов.

Оның түсіндіруінше, сақтандыру аннуитеті – классикалық зейнетақының өзі емес, бірақ болашақта тұрақты төлемдер алуға мүмкіндік беретін сақтандыру өнімі.

Сарапшының айтуынша, азамат сақтандыру аннуитеті шартын жасасқан жағдайда жеткілікті шегінің талабы іс жүзінде қолданылмайды.

Егер сақтандыру аннуитетін рәсімдесеңіз, жеткілікті шегі мәселесі өзекті болмай қалады. Көпшілік азамат 45 жастан бастап мұндай шарт жасай алады және төлемдерді 55 жастан бастап ала бастайды, — дейді ол әлеуметтік желідегі парақшасында.

Елемесов бұл құралдың белгілі бір кепілдіктері бар екенін де атап өтті.

Мұнда тәуекелдер аса жоғары емес. Себебі қайта сақтандыру жүйесі жұмыс істейді және Сақтандыру төлемдеріне кепілдік беру қоры бар. Дегенмен толық мұрагерлік қарастырылмаған. Тек кепілдендірілген төлем кезеңі ғана көзделеді, — деп түсіндірді сарапшы.

Сонымен қатар ол аннуитетті «тегін ақша» ретінде қабылдамауға шақырды.

Бұл жерде сақтандыру компаниясы барлық тәуекел мен төлемдерді алдын ала есептейді. Сондықтан аннуитет – ұзақ өмір сүруді жоспарлайтын немесе зейнетақы жинақтарының бір бөлігін қазір пайдаланғысы келетін азаматтар үшін қызықты құрал болуы мүмкін, — дейді қаржы сарапшысы.

Алайда бұл мүмкіндік барлық азаматқа бірдей қолжетімді емес. Себебі сақтандыру аннуитетін рәсімдеу үшін заңнамада белгіленген ең төменгі жинақ көлемі болуы қажет.

Қаржы пирамидаларын жарнамалаған блогерлер 4 жылға дейін бас бостандығынан айырылуы мүмкін 

Қазақстанда қаржы пирамидаларын жарнамалаған блогерлер мен танымал тұлғалар заң алдында жауапқа тартылуы мүмкін.

Елена Рыбакина жылды әлемнің бірінші ракеткасы ретінде аяқтады 

Қазақстандық спортшы маусымды 8099 ұпаймен аяқтап, мансабында алғаш рет жылдық рейтингте бірінші орынға шықты.

Бүгін елімізде ауа райы қандай болады 

«Қазгидромет» РМК бүгінге, 18 қарашаға арналған ауа райы болжамын жариялады.

Терроризм туралы жалған хабар таратқандар 5 жылға дейін сотталуы мүмкін – ІІМ 

2026 жылдың басынан бері Қазақстанда терроризм актісі туралы көрінеу жалған хабар таратқаны үшін 23 адам қылмыстық жауапкершілікке тартылды. Олардың жетеуі – 14 пен 17 жас аралығындағы жасөспірімдер. Бұл туралы Ішкі істер министрлігі ескертті.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.