Абай облысында пробация есебіндегі азаматтар арасында шахмат турнирі өтті

Абай облысы бойынша Қылмыстық-атқару жүйесі департаментіне қарасты Көкпекті аудандық пробация қызметінің ұйымдастыруымен есепте тұрған сотталғандар арасында шахмат турнирі өтті.
Іс-шараның негізгі мақсаты – пробация есебіндегі азаматтардың интеллектуалдық қабілеттерін дамыту, логикалық ойлау дағдыларын жетілдіру, сондай-ақ оларды қоғамға бейімдеу және заңға бағынатын өмір салтын қалыптастыруға ықпал ету.
Турнирге 20-ға жуық азамат қатысып, өзара бақ сынасты. Қатысушылар ойын барысында жоғары белсенділік танытып, стратегиялық ойлау, сабырлылық пен ұқыптылық қасиеттерін көрсетті.
Жарыс қорытындысы бойынша үздік нәтиже көрсеткен қатысушылар марапатталып, оларға арнайы дипломдар табысталды.
–Мұндай зияткерлік сайыстар азаматтардың тұлғалық дамуына және қайта әлеуметтенуіне оң әсер етеді. Шахмат ойыны адамды әр қадамын саралап жасауға, жауапкершілік пен тәртіпке үйретеді. Осындай шаралар пробация есебіндегі азаматтардың бос уақытын тиімді ұйымдастырып қана қоймай, олардың өмірлік ұстанымдарын қайта қарауына, қоғамға бейімделуіне және оң өзгерістерге ұмтылуына мүмкіндік береді, – деді Көкпекті аудандық пробация қызметінің аға инспекторы Дамир Айдаров.
Айта кетейік, пробация қызметі сотталған азаматтардың құқықтық мәдениетін арттыруға, әлеуметтік бейімделуіне және олардың қайта қылмыс жасауының алдын алуға бағытталған түрлі тәрбиелік, мәдени және спорттық іс-шараларды тұрақты түрде ұйымдастырып келеді.

Строительство Almaty SuperSki набирает темпы, запуск курорта намечен на декабрь 2028 года

Казахстан занял первое место в Центральной Азии по индексу...

Сыбайлас жемқорлықтың алдын алу бағытында экскурсия ұйымдастырылды

Қызылорда облысы бойынша Қылмыстық-атқару жүйесі департаментіне қарасты №68 мекемесіне...

Строительство кластера Almaty SuperSki находится в активной фазе

Премьер-министр РК Олжас Бектенов провел заседание Совета директоров компании...

Almaty SuperSki кластерінің құрылысы қарқынды жүріп жатыр

Қазақстан Премьер-министрі Олжас Бектенов Kazakh Tourism Development Ltd. компаниясы...

Пример беззаветного служения науке, закону и родной стране

Жизненный и профессиональный путь Еркеша Калиевича Нурпеисова, видного ученого-правоведа,...