Қазіргі таңда гендерлік саясат – мемлекет дамуының маңызды бағыттарының бірі болып табылады. Гендерлік теңдік ерлер мен әйелдердің құқықтары мен мүмкіндіктерінің тең болуын қамтамасыз етуге бағытталған. Бұл қоғамдағы әділеттілік пен тұрақтылықтың негізгі көрсеткіштерінің бірі саналады.
Қазақстан Республикасында гендерлік саясатты дамытуға ерекше көңіл бөлінуде. Мемлекет тарапынан әйелдердің құқықтарын қорғау, олардың қоғамдық-саяси өмірге белсенді қатысуына жағдай жасау, еңбек саласында тең мүмкіндіктер беру бағытында көптеген жұмыстар атқарылып келеді.
Бүгінде әйел азаматтар мемлекеттік қызметте, құқық қорғау органдарында, сот жүйесінде, білім мен медицина саласында абыройлы еңбек етіп жүр. Сонымен қатар, әйелдердің кәсіпкерлікпен айналысуына, көшбасшылық қабілеттерін дамытуына қолдау көрсетілуде.
Гендерлік саясаттың негізгі мақсаты – қоғамда кемсітушілікке жол бермеу, отбасылық құндылықтарды сақтау және әр азаматтың құқықтарының қорғалуын қамтамасыз ету. Бұл бағыттағы жұмыстар қоғамдағы өзара сыйластық пен татулықты нығайтады.
Сот саласында да гендерлік теңдік қағидаттарына ерекше мән беріледі. Азаматтардың құқықтары заң алдында тең қорғалып, қандай да бір кемсітушілікке жол берілмейді. Бұл құқықтық мемлекеттің басты қағидаларының бірі.
Қорыта айтқанда, гендерлік саясат – қоғамның өркениетті дамуына ықпал ететін маңызды құрал. Гендерлік теңдік сақталған қоғамда тұрақтылық пен даму болады. Сондықтан бұл бағыттағы жұмыстарды одан әрі жетілдіру – баршамызға ортақ міндет.
Қызылорда облысы, Жалағаш аудандық соттың бас маманы Г.Байкенжеева
