ҚР Мемлекеттік қызмет істері агенттігінің Қарағанды облысы бойынша департаментімен мемлекеттік қызметшілердің құқықтары мен мүдделерін қорғау бағытында жүргізілген жұмыс нәтижесінде, еңбек демалысын уақытында бермеу фактілері бойынша Департаменттің араласуы арқылы 146 мемлекеттік қызметшіге өсімпұл төлемдері төленіп, мемлекеттік қызметшілердің құқықтары қалпына келтірілді.
Жұмыс уақыты режимін бақылау нәтижесінде 2025 жылдың 12 айында 180 қызметшінің үстеме жұмысқа тартылғаны анықталып, оларға тынығу сағаттары берілді.
Сонымен қатар, тәртіптік жазаларды қолдану тәртібінің бұзылуы анықталып, қарау нәтижелері бойынша 4 мемлекеттік қызметшінің құқықтары қалпына келтірілді.
Жүргізілген профилактикалық, жоспардан тыс бақылау негізінде 10 азамат және 5 мемлекеттік қызметшінің құқығы қалпына келтірілді.
