Қасиетті Рамазан айы аясында Аягөз аудандық пробация қызметі бөлімінің есебінде тұрған, әлеуметтік жағдайы төмен сотталған Сапаров Жанабай Джанабаевичке қайырымдылық көмек көрсетілді.
Іс-шара барысында пробация қызметкерлері тарапынан азық-түлік себеті табысталып, әлеуметтік қолдау көрсетілді. Бұл бастама – қоғамға қайта бейімделу жолындағы азаматтарға қолдау білдіру, олардың әлеуметтік жағдайын жақсартуға ықпал ету мақсатында ұйымдастырылды.
Пробация қызметінің негізгі міндеттерінің бірі – есепте тұрған тұлғалардың құқық бұзушылықтың алдын алуымен қатар, олардың қоғамға оң көзқарасын қалыптастыру және әлеуметтік тұрғыда қолдау көрсету болып табылады.
Аталған қайырымдылық шарасы – ізгілік пен жанашырлықтың көрінісі. Осындай игі істер алдағы уақытта да жалғасын табады.
