ҚР Мемлекеттік қызмет істері агенттігінің Алматы қаласы бойынша департаментіне,уәкілетті органның аумақтық бөлімшесі ретінде, мемлекеттік қызметшілердің мемлекеттік қызмет туралы заңнама талаптарын және қызметтік әдеп нормаларын сақтауын бақылау бойынша функциялар жүктелген.
Мәселен, Департаментке Алматы қаласы азаматының өтініші келіп түсті.
Өтініш мәніне сәйкес, Алматы қаласының бір мемлекеттік органымен (бұдан әрі — Мемлекеттік орган) мемлекеттік қызметте бос лауазымға орналасуға арналған конкурс өткізу барасында конкурстық комиссия мүшелерімен әңгімелесу қорытындысы бойынша оған сәйкес келмейтін бағалар қойылғанын және осыған байланысты мемлекеттік қызметке кіре алмағанын атап өтті.
Департамент бұл өтінішті жоспардан тыс тексеру жүргізу арқылы қарап, оның нәтижелері бойынша конкурстық комиссияның бір мүшесі баға қоймағаны анықталды.
Осылайша, мемлекеттік орган комиссиясының мүшесі «Б «корпусының мемлекеттік әкімшілік лауазымына орналасуға конкурсты іріктеудің және өткізудің уақытша қағидаларының 130-тармағының баға қою бөлігінде сақталуын қамтамасыз етпегендігі расталды және ол өз кезегінде конкурс нәтижелеріне әсер етуі мүмкін.
Тексеру қорытындысы бойынша департамент «Қазақстан Республикасының мемлекеттік қызметі туралы» Заңның 58-3-бабының 5-тармағына сәйкес, мемлекеттік органның атына кандидатпен қайта әңгімелесу арқылы бұзушылықтарды жою туралы ұсыныс енгізді.
Жоғарыда айтылғандардың негізінде, мемлекеттік қызметшілер Әдеп нормаларын, сондай-ақ мемлекеттік қызмет туралы заңнаманы бұзуға жол берген жағдайда, азаматтар Мемлекеттік қызмет істері Агенттігіне және оның аумақтық департаменттеріне жүгіне алатының хабарлаймыз.
Ш. Турдуев — ҚР Мемлекеттік қызмет істері агенттігінің Алматы қаласы бойынша департаментінің бас маманы.
