Ағымдағы жылдың 17 қыркүйегінде Алматы қаласының санитариялық-эпидемиологиялық бақылау департаментінің ұйымдастыруымен «Санитариялық-эпидемиологиялық қызмет қызметкерлері күніне» орай салтанатты іс-шара өтті.
Іс-шараға Алматы қаласы әкімінің орынбасары Азамат Қалдыбекұлы Бескемпіров, ҚР Мемлекеттік қызмет істері агенттігінің Алматы қаласы бойынша департаменті басшысының орынбасары Шынарай Әлімханқызы Әлімхан, санитариялық-эпидемиологиялық қызмет ардагерлері және мемлекеттік органдар мен ұйымдардың басшылары қатысты.
Салтанатты жиында еріктілердің еңбегіне ерекше назар аударылды. Жыл бойы Алматы қаласында өткізілген іс-шараларға белсенді атсалысқан «Еріктілер кеңесінің» мүшелері марапатталды. Олардың қоғамдық жауапкершілігі, халыққа көмек көрсетуге деген дайындықтары қоғам үшін үлгі болып табылады.
Азамат Бескемпіров санитариялық-эпидемиологиялық қызмет мамандарын кәсіби мерекелерімен құттықтап, еріктілерге де шынайы алғысын білдірді. Сондай-ақ қатысушыларға ҚР Премьер-Министрінің және Алматы қаласы әкімдігінің алғыс хаттары табысталды.
Салтанатты іс-шара әрі қарай оркестрдің ұлттық және әсем әндерден құралған өнерімен жалғасып, санитариялық-эпидемиологиялық қызмет мамандары мен еріктілерге көтеріңкі көңіл-күй сыйлады.
Қазақстан Республикасы Мемлекеттік қызмет істері агенттігінің Алматы қаласы бойынша департаменті Мемлекеттік қызмет саласын бақылау басқармасының бас маманы Н.С. Әуезов
