79 түзеу мекемесінде сотталғандар арасында әлемге әйгілі әнші, композитор әрі биші — Майкл Джексонға арналған мерекелік іс-шара ұйымдастырылды. Бұл кештің мақсаты – сотталған азаматтардың мәдени дүниетанымын кеңейту, өнерге деген сүйіспеншілігін арттыру және олардың шығармашылық қабілеттерін дамыту болды.
Іс-шара барысында Майкл Джексонның өмір жолы мен шығармашылығы туралы бейнематериалдар көрсетіліп, әндері әуеледі. Сонымен қатар сотталғандар арасында ән орындау, би билеуден сайыс өткізілді. Сайыстың әділ бағасын беруге Құрманғазы атындағы мәдениет үйінің хареграфы Қарагөзова Гүлнар ханым шақыртылды. Мерекелік шара сотталғандарға ерекше рухани серпіліс сыйлап, өнердің адам жанын емдейтін құдіретін сезінуге мүмкіндік берді.