Бүгін Шерзат Болаттың ісі бойынша апелляциялық шағым қаралады, — деп хабарлайды Massaget.kz тілшісі.
Бұл туралы осы отбасының адвокаты Мейірман Шекеев мәлімдеді.
«Марқұм Шерзаттың ісі бойынша бірінші сатыдағы сот үкіміне сотталушылар тарапынан түсірілген апелляциялық шағымдарды қарау соты 18 тамызда сағат 11:00-де Алматы облыстық сот ғимаратында басталады», — деді адвокат.
Еске салайық, 5 мамырда Талдықорған сотында тоғыз айыпталушыға үкім шығарылды.
Тергеу мәліметінше, Шерзатқа пышақ жарақатын салған басты айыпталушы Абзал Шынасыл 23 жылға бас бостандығынан айырылды. Равиль Сакиев 20 жылға сотталды.
Қалған айыпталушылар 7 жылдан 15 жылға дейін бас бостандығынан айырылды. Кәмелетке толмаған Ы.Д. 1,5 жылға бас бостандығынан айырылды.
Фото: Massaget.kz
