Қазақстан – көпұлтты, көптілді мемлекет. Бірақ елдің бірлігі мен тәуелсіздігінің айқын көрінісі – мемлекеттік тіл болып табылады. Мемлекеттік тіл – бұл тек қатынас құралы ғана емес, ол ұлттың рухани өзегі, тарихы мен мәдениетінің айнасы. Сондықтан қазақ тілі – Қазақстанның болашағының, тұрақтылығы мен дамуының кепілі.
Қазақ тілі – Қазақстан Республикасының Конституциясында бекітілген мемлекеттік тіл. Бұл тіл – ата-бабамыздың аманаты, ғасырлар бойғы тарихымыздың куәсі. Мемлекеттік тіл – мемлекеттің ресми тірегі, ұлтты біріктіретін, халықты тұтастандыратын күш. Сондықтан қазақ тілінің мәртебесін көтеру – әрбір азаматтың қасиетті борышы.
Қазақ тілінің ғылым мен білім саласында кеңінен қолданылуы – болашақ ұрпақтың мемлекеттік тілде еркін ойлап, зерттеп, жаңалық ашуына жол ашады. Мектептер мен жоғары оқу орындарында қазақ тіліндегі оқу бағдарламаларын дамыту – жастардың ана тілінде сапалы білім алуына мүмкіндік береді.
Мемлекеттік қызмет саласында қазақ тілінің қолданылуы да күн тәртібіндегі өзекті мәселелердің бірі. Қызмет көрсету салаларында, құжат айналымында, сот жүйесінде, денсаулық сақтау мен құқық қорғау органдарында мемлекеттік тілде сөйлеу – бұл ел тәуелсіздігін шынайы сезіну.
Қазақ тілінің болашағы – халықтың өз тіліне деген құрметі мен сүйіспеншілігіне байланысты. Егер ұрпақ ана тілін ұмыта бастаса, ұлт та рухани әлсірейді. Сондықтан отбасы, балабақша, мектеп – бәрі бірігіп тілге деген махаббатты бала бойына сіңіруі тиіс.
Мемлекеттік тіл – болашақтың кепілі. Ол – елдің ең басты байлығы, егемендігіміздің нышаны. Қазақ тілін сақтау мен дамыту – әрқайсымыздың міндетіміз. Себебі ана тілімізді ардақтау арқылы біз өз болашағымызды нықтаймыз.
Ақтөбе облысының кәмелетке толмағандар
істері жөніндегі мамандандырылған
ауданаралық сотының бас маманы,
сот отырысының хатшысы
Жұбатқанов Мырзахан Лайқатұлы
