Алматы қаласы бойынша Қылмыстық-атқару жүйесі департаментіне қарасты №72 мекемеде 60-қа жуық сотталған шаруашылық қызметінде жұмыс істейді. Шаруашылық қызметіндегі жасақ аса ауыр емес қылмыстар жасаған және бірінші рет сотталғандар қатарынан іріктеледі.
Қазір шаруашылық жасағында алпысқа жуық сотталған бар. Олардың арасынан бүгін Қазақстан Конституциясының 30 жылдығына байланысты жарияланған рақымшылық заңы бойынша алғашқы сотталған босап шықты. 1999 жылы туған азамат Қазақстан Республикасы Қылмыстық кодексінің 190 бабы, 3 бөлімінің 4 тармағы бойынша, яғни алаяқтық қылмысы үшін 3 жыл 6 ай мерзімге сотталған болатын. Ол жазасын шаруашылық жасағында 2023 жылдың наурыз айынан бері өтеп келеді.
Рақымшылық туралы заң қылмыстық теріс қылық жасағаны, онша ауыр емес және ауырлығы орташа қылмыс жасағаны үшін сотталғандарға қолданылатындықтан мекемеде қазір барлығы 40-қа жуық сотталғанның ісі қарастырылып жатыр.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
