2025 жылғы шілде күні Алматы қаласы Жетісу ауданында Жетісу-2 комьюнити орталығы мен Қазақ Жокей клубының бірлесуімен экологиялық бағыттағы «ECO DAY» акциясы ұйымдастырылды.
Шараның басты мақсаты – табиғатты аялау, қоршаған ортаны қорғауға деген жауапкершілікті арттыру және жастар арасында экологиялық мәдениетті қалыптастыру.
Іс-шара аясында:
- Қазақ Жокей клубының аумағында және маңындағы жасыл аймақтар тазаланды;
- Қатысушылар қоқыс жинап, сұрыптау бойынша тәжірибелік жұмыстар жүргізді;
- Арнайы экобілім бұрышы ұйымдастырылып, қатысушыларға қалдықтарды қайта өңдеу мен пластикті азайту жолдары туралы түсіндіру жұмыстары жүргізілді;
- Жас көшеттер отырғызылып, табиғатқа жанашырлықтың нақты үлгісі көрсетілді.
Акцияға жергілікті тұрғындар, жастар ұйымдары, еріктілер, оқушылар және экобелсенділер қатысты. Олар табиғатты таза ұстау – әр азаматтың міндеті екенін айтып, мұндай шаралардың маңызын ерекше атап өтті.
Іс-шара соңында қатысушыларға алғыс хаттар мен экологиялық сыйлықтар табысталды.
«ECO DAY» – бұл тек тазалық акциясы ғана емес, қоғамда экологиялық сананы қалыптастыратын, бірлескен жауапкершілік пен ұжымдық еңбекті дәріптейтін маңызды жоба.
Жетісу-2 комьюнити орталығы мен Қазақ Жокей клубы мұндай шараларды алдағы уақытта да жалғастыруды жоспарлап отыр. Табиғатқа қамқорлық – келер ұрпаққа жасалған үлкен игілік екенін еске салды.
