Алматы қаласының ҚАЖ Департаментіне қарасты №11 мекемесінде кәмелетке толмаған жазалы жасөспірімдер арасында, 4-маусым Қазақстан Республикасының мемлекеттік рәміздер күні аталып өтті. Бұл күн еліміздің мемлекттік рәміздері — Туы, Елтаңбасы, Әнұраны — дүниеге келген күн ретінде мәңгі есте қалады. Бұл күн «Қазақстан Республикасының Мемлекеттік рәміздері туралы» Конституциялық заңда мемлекеттік мереке ретінде ресми түрде бекітілген. 4 маусым Қазақстанда 2007 жылдан бері тойланып келеді. Іс шара Жамбыл атындағы қалалық жасөспірімдер кітапханасының қызметкерлері Сейсембаев Санжар және Изетай Алтынаймен бірлесіп өткізілді. Кітапханшы қызметкерлер рәміздер күніне арналған, қызықты мәліметтер туралы сотталғандарға викториналық сұрақтар қойып, қызықты ойын өткізді. Сұрақтың дұрыс жауабын тапқан қатысушыларға кітаптар сыйлыққа таратылды. Сотталғандар арасындағы әлеуметтік-психологиялық тәрбие жұмысы бөлімі бастығы әділет подполковнигі Бәзілбаева Алма Қойшыбаевна кітапхана қызметкерлеріне мекеменің атынан алғыс білдірді. Болашақта да осындай жақсы мерекелік шаралардың жиі өтіп тұратынын айта кетті.
№11 мекеме Еркегүл Жеңісхан