Абай Құнанбаевтың нақыл сөздері — қазақ халқының рухани дүниесіндегі баға жетпесқазына. Ол — тек ақын емес, ойшыл, ұстаз, кемеңгер тұлға. Оның әрбір сөзі терең ойға, өмірлік тәжірибеге, адамгершілікке негізделген. Абай халқын оятуға, ізденуге, түзелуге үндеді. Бұл үндеу бүгінгі күнге де айрықша маңызды.
«Адамның адамшылығы — ақыл, ғылым, жақсы ата, жақсы ана, жақсы құрбы, жақсы ұстаздан болады» деген сөзі арқылы Абай адамның қалыптасуында тәрбиенің, ортаның, білімнің рөлін айқын көрсетеді. Ол ақыл мен парасатты басты байлық санады. «Еңбек етсең ерінбей, тояды қарның тіленбей», «Білімдіден шыққан сөз, талаптыға болсын кез» деген нақылдары еңбек пен білімге жетелейді. Бұл — ұрпаққа бағыт-бағдар берген асыл мұра.
Абай адам мен қоғам арасындағы байланысты терең түсінді. «Адамзаттың бәрін сүй, бауырым деп» деген жолы — оның бүкіл ілімінің жүрегі. Бұл — тек қазаққа емес, бүкіл адамзатқа арналған гуманистік ой.
Абайдың нақыл сөздері бүгінде де өзекті. Олар — жүрекке жол табар даналық, санаға сәуле түсірер шамшырақ. Абайды оқу — рухани өсуге, адам болуға бет бұру.
Ақтөбе қаласының әкімшілік құқық
бұзушылықтар жөніндегі
мамандандырылған ауданаралық
сотының сот отырысының хатшысы Г.Қуанғалиева
