АҚШ президенті Дональд Трамп Truth Social әлеуметтік желісінде АҚШ пен Қытай арасындағы келіссөздерге қатысты оң бағасын берді. Оның айтуынша, Швейцарияда өткен кездесу нәтижелі болған, деп хабарлайды BAQ.KZ.
Бүгін Швейцарияда Қытаймен өте жақсы кездесу өтті. Көптеген мәселелер талқыланды және көптеген бағыттар бойынша келісімге қол жеткізілді. Келіссөздер мейірімді әрі сындарлы сипатта өтті, – деп жазды Трамп.
Ол сондай-ақ бұл кездесуді «керемет прогресс» деп атады.
Айта кетейік, 2 сәуірде АҚШ пен Қытай арасындағы сауда қатынастары шиеленісіп, Трамп әкімшілігі қосымша баж салығын енгізген болатын. Пекин мұны сауда соғысы деп бағалап, ал Ақ үй тараптарды келіссөздер жүргізуге шақырған еді.
