Ауған соғысының ардагерін Ұлы Жеңістің 80 жылдығымен құттықтады

Атырау облысы ҚАЖ департаменті және оған қарасты мекемелердің қызметкерлері болып Ауған соғысының ардагерін Ұлы Жеңістің 80 жылдығымен құттықтады!

Атырау облысы бойынша Қылмыстық-атқару жүйесі департаменті және департаментке қарасты мекеме қызметкерлері Ұлы Отан соғысының 80 жылдығына орай Ауған соғысының ардагері, ҚР ІІМ ҚАЖ органының зейнеткері Ризабек Ғалымжанұлын арнайы барып, құттықтау жасап қайтты.

Шараның мақсаты – ел үшін ерлік көрсеткен азаматтардың еңбегін бағалап, жас ұрпаққа патриоттық тәрбие беру. ҚАЖ департаменті қызметкерлері ардагердің үйіне барып, сый-сияпат жасап, жылы лебіздерін білдірді.
Ауған соғысының ардагері, ел алдында борышын адал өтеген азамат департамент өкілдеріне алғысын айтып, бұл кездесудің өзінің өмірінде ерекше орын алатынын жеткізді.
– Еліміз бейбіт өмір сүріп жатса, бұл – Тәуелсіздіктің, сондай-ақ ел қорғауда ерлік танытқан азаматтардың арқасы. Сіздердің осындай құрмет көрсетулеріңіз – біз үшін үлкен мәртебе, – деді ардагер.
ҚАЖ департаменті басшылығы мұндай кездесулер алдағы уақытта да жалғасын табатынын атап өтті. Бұл – жастарға өнеге, ерлікке тағзым, тарихқа құрмет.