Шығыс Қазақстан облысында кене шаққаннан кейін ауруханаға жүгінгендер саны күрт өсті, — деп хабарлайды Tengrinews.kz тілшісі.
Жергілікті дәрігерлер көктемнің басынан бері осы қауіпті жәндіктердің бұрын-соңды болмаған белсенділігін тіркеген және зардап шеккендер саны өсіп бара жатыр.
Балаларға қауіп көп
24 наурыз бен 14 сәуір аралығында ШҚО облыстық Ана мен бала орталығына кене шақты деп шағымданған 65 бала жүгінген. Зардап шеккендердің жасы 3-тен 18 жасқа дейін. Өңірдің денсаулық сақтау басқармасының мәліметінше, мұндай көрсеткіш бірнеше жылдан бері болмаған.
Бір күнде ішінде, яғни 14 сәуірде жарақат бөлімінде 14 балаға көмек қажет болған. Кене энцефалитінің алдын алу үшін иммуноглобулинді 63 бала алған.
Өскемен тұрғыны Ирина Сазонова ойын алаңында серуендеп жүргенде жеті жасар ұлының мойнынан кенені байқағанын айтты. Ол бірден ұлын Ана мен бала орталығына апарған, онда жәндікті алып тастап, ал балаға қажет көмек көрсетілген.
Ересектер де зардап шегеді
8-14 сәуір аралығында ШҚО травматологиялық пункттеріне 104 ересек адам жүгінген. Оның ішінде 99 адам иммуноглобулиннің профилактикалық инъекциясын алған, үшеуі бас тартқан, бір науқас тым кеш келген. Дәрігерлер инъекцияны кене шаққаннан кейін 72 сағаттан кешіктірмей, алайда ертерек салған дұрыс екенін айтады. Бұл препараттың тиімділігін едәуір арттырады.
«Кененің мұндай белсенділігінің себебі — биылғы көктемнің жылы болуы», — деді Шығыс Қазақстанның облыстық денсаулық сақтау басқармасы өкілі.
Кене негізінен орманды және шөпті жерлерде, әсіресе, ШҚО-ның мына аудандарында белсенді: Өскемен және оның айналасы, Риддер, Глубокое ауданы, Катонқарағай ауданы, Ұлан және Шемонаиха аудандары, Алтай, Самар, Үлкен Нарын.