Өскемен жаңа жұмыс кестесіне көшті

Өскеменнің мекемелері де жаңа жұмыс кестесіне көшті, — деп хабарлайды Massaget.kz тілшісі.

20 наурыздан бастап облыс орталығында мемлекеттік мекемелер мен бюджеттік ұйымдар үшін жаңа жұмыс кестесі енгізілді. Бұл туралы ШҚО әкімінің орынбасары Дархан Сапанов қалалық әкімдікте өткен отырыста мәлімдеді.Енді өскемендіктердің көпшілігі үшін жұмыс күні сағат 08:00-де басталып, 17:30-да аяқталады, түскі үзіліс сағат 12:00-ден 13:30-ға дейін.

Бұл өзгеріс Шығыс Қазақстан облысының басқа аудандарында тиімділігін көрсеткен.

«Отырысқа қаланың мемлекеттік мекемелерінің өкілдері, жалпы 300-ге жуық адам қатысты. Қатысушылар бұл бастаманы қолдап, жұмыс күні ерте басталуы уақытты тиімді жоспарлауға мүмкіндік беретінін айтты», — деді ШҚО Өңірлік коммуникациялар қызметі өкілі.

Еске салайық, былтыр 1 наурызға қараған түні Қазақстан бірыңғай уақыт белдеуіне өтті. Алайда 7 маусымда уақытты қайта өзгертуге қатысты петиция басталып, 50 мыңнан аса қол жиналғанымен, ол қабылданбады.

2025 жылғы қаңтардан бастап Шығыс Қазақстан облысының бірнеше ауданы жаңа жұмыс уақытына көшті.

Жуырда сауда және интеграция министрі Арман Шаққалиев Үкімет отырысында ШҚО-ның барлық ауданында (Қатонқарағай, Марқакөл, Үлкен Нарын, Зайсан, Тарбағатай, Самар, Күршім) жұмыс кестесі сағат 8:00-ден 17:30-ға дейін түзетілгенін, бұл тұрғындар тарапынан оң баға мен қолдау тапқанын мәлімдеді. Министр қажет болған жағдайда осындай тәжірибені жергілікті атқарушы органдар басқа өңірлерде де қолдана алатынын айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.

Алматы халқының саны 2040 жылға қарай 3,6 миллионға жетуі мүмкін

Алматының жаңа бас жоспары бойынша, 2040 жылға қарай қала халқының саны 3,6 миллион адамға жетеді деп болжанып отыр.