Әлемдік мұнай бағасы АҚШ-тағы қорлар туралы ресми деректер жарияланғаннан кейін төмендеп жатыр, — деп хабарлайды Tengrinews.kz тілшісі.
Лондондық ICE биржасында Brent мұнайының сәуір айындағы фьючерстерінің құны 3,31 пайызға төмендеп, барреліне 74,45 доллар болды. Бұл туралы Астана уақытымен 08:20-дегі сауда деректері көрсетіп отыр.
WTI маркалы мұнайдың наурыздағы жеткізілім фьючерстерінің бағасы 3,62 пайызға төмендеп, барреліне 70,66 доллар болды.