Қазақстан қор биржасындағы (KASE) күндізгі сауда-саттық нәтижесі бойынша, АҚШ долларының теңгеге шаққандағы бағамы 4,94 теңгеге арзандап, орташа есеппен 501,31 теңгені құрады.
Ұлттық банк 12 ақпанға белгіленген ресми бағамды бір доллар үшін 506,43 теңге деп бекітті. Сонымен қатар, Ресей рублінің орташа бағамы 5,28 теңге, ал еуро 522,43 теңге деңгейінде қалыптасты.
Kurs.kz мәліметіне сәйкес, Алматыдағы ақша айырбастау орындарында доллар 506 теңгеден сатылып, 502 теңгеден сатып алынуда. Еуро бағамы 520-525 теңге аралығында өзгеріп отыр.
Астана қаласында долларды 507 теңгеден сатып алуға болады, ал сатып алу бағамы 501 теңге. Еуро 526 теңгеден сатылып, 519 теңгеден сатып алынуда.
Қазіргі таңда Ресей рублі ақша айырбастау орындарында 5,24 — 5,35 теңге аралығында саудалануда.
Еске салсақ, сарапшылар осыған дейін доллар бағамын 550-560 теңгеге дейін өседі деп болжаған.