Қазақстанның бірнеше өңірінде электр энергиясының шекті тарифтері көтеріледі, — деп хабарлайды Massaget.kz тілшісі.
Энергетика министрі 2025 жылғы 27 қаңтарда электр энергиясының шекті тарифтеріне өзгерістер енгізу туралы бұйрыққа қол қойды. Құжат 2025 жылғы 1 ақпаннан бастап күшіне енеді. Бұйрыққа сәйкес, келесі топтар бойынша электр энергиясының шекті тарифтері өседі:
1-топ (Б. Нұржанов атындағы Екібастұз ГРЭС-1) — 8,27-ден 9,5 теңгеге дейін (кВт/сағ).
2-топ (Еуразиялық энергетикалық корпорациясы) — 7,98-ден 9,4 теңгеге дейін.
3-топ (Екібастұз ГРЭС-2 станциясы) — 13,17-ден 15,67 теңгеге дейін.
4-топ (Топтардың негізгі таратушы энергостанциясы) — 15,32-ден 20,84 теңгеге дейін.
5-топ (Т.И. Батуров атындағы Жамбыл ГРЭС) — 17,73-тен 22,58 теңгеге дейін.
6-топ («Қарағанды Энергоорталығы») — 14,09-дан 17,64 теңгеге дейін.
7-топ (Өскемен ЖЭО) — 14,27-ден 17,82 теңгеге дейін.
8-топ («Севқазэнерго») — 18,61-ден 23,17 теңгеге дейін.
9-топ («Астана-Энергия» АҚ) — 9,28-ден 11,71 теңгеге дейін.
10-топ («Павлодарэнерго» (ЖЭО-2,3) — 18,25-тен 24,29 теңгеге дейін.
12-топ («Қазақстан алюминийі» АҚ) — 7,87-ден 8,52 теңгеге дейін.
13-топ («Қазақмыс Энерджи» (ЖТЭЦ, БТЭЦ) — 21,42-ден 30,24 теңгеге дейін.
16-топ («Bassel Group LLS») — 16,73-тен 25,48 теңгеге дейін.
18-топ (Степногорск ЖЭО) — 28,97-ден 38,67 теңгеге дейін.
22-топ («Кентау Сервис» МКК) — 7,07-ден 37,12 теңгеге дейін.
23-топ («Арқалық жылу-энергетикалық компаниясы» МКК) — 8,44-тен 13,13 теңгеге дейін.
26-топ («Алматы электр станциялары» (ЖЭО-1,2,3, Қапшағай ГЭС, Каскад ГЭС) — 17,82-ден 20,93 теңгеге дейін.
Осыған қарамастан — 11, 14, 24, 29, 30, 32, 35, 36, 43-48, сондай-ақ 56-60 топтағы компаниялар үшін тарифтер өзгеріссіз қалды.
Айта кетейік, 27 қаңтар Қазақстанда коммуналдық қызметтердің тарифтері өсетіні туралы Ұлттық экономика вице-министрі Арман Қасенов Үкіметте өткен брифингте мәлімдеген болатын. Сондай-ақ 1 ақпаннан бастап 2020-2024 жылдарға арналған, бұрын бекітілген тарифтердің қолданылу мерзімі аяқталуына байланысты сумен жабдықтауға және су бұруға жаңа тарифтер енгізіледі.
