Бүгін «М.Мәметова атындағы Қызылорда педагогикалық жоғары колледжі акт залында «Бас бостандығынан айыру орындарынан босатылатындар және босатылғандарды, сонымен қатар пробация қызметінде есепте тұрғандарды қайта әлеуметтендіру және қайта оңалту жұмысын ұйымдастыру» әлеуметтік тапсырысы аясында мемлекеттік органдар мен қоғамдық ұйымдардың бірлесе атқарылған жұмыстары жөнінде дөңгелек үстел ұйымдастырылды.
Шара барысында «Жігер» Қызылорда облысы мүгедектерінің қоғамдық бірлестігінің төрағасы Мұрат Әлімбайұлы Джумадилаев әлеуметтік маңызды жобаның мақсат міндеттерімен таныстырды. Қызылорда облысының жұмыспен қамтуды үйлестіруді және әлеуметтік бағдарламалар басқармасының бөлім басшысы Исаев Ауелбек Қорғанбекұлы және шараға қатысқан барлық мемлекеттік органдар мен қоғамдық ұйымдарының қызметкерлері өз жұмыстары жөнінде мәлімет берді.
Сонымен қатар 60 мекеме бастығының тәрбие жұмыстары жөніндегі орынбасары әділет подполковнигі Өскенбаев Алтынбек Тұрарұлы 2024 жылы атқарылған жұмыстары жөнінде баяндама оқыды. Шара соңында барлық мемлекеттік органдар мен қоғамдық ұйымдар атқарылған жұмыстары мен алдағы уақытта жүргізілетін жұмыстары жөнінде пікір талас жүргізіліп, әлеуметтік маңызды жобаны бірлесе жүзеге асыратындығын атап өтті.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
