Қазақстан Республикасы Ішкі істер министрлігі Шырақбек Қабылбаев атындағы Қостанай академиясының Жедел іздестіру кафедрасының аға оқытушысы Мұрат Аманат және ҚАЖ департаментінің №37 мекемесінің кадр саясаты тобының инспекторы Дінмұхаммед Оспанов Қызылорда қаласындағы 10-нан аса мектепте болып, 10-11 сынып оқушыларымен және колледж студенттерімен кездесті. Шараның басты мақсаты – ІІМ Ш.Қабылбаев атындағы Қостанай Академиясына оқуға түсу талаптарын айту.
Кездесу барысында мектеп оқушылары мен колледж студенттерінің назарына жоғары оқу орны ҚР ІІМ Қостанай академиясының оқу бағдарламасымен таныстырып, оқуға түсу шарттарын түсіндірді.
— Академияға қабылдау Ұлттық бірыңғай тестілеу нәтижелері бойынша берілген мемлекеттік сертификаттың балдарына сәйкес, медициналық, физикалық және психофизикалық көрсеткіштер бойынша конкурстық негізде жүзеге асырылады. Курсанттар академияда оқудың барлық кезеңіне киім-кешекпен, жатақханада тұрумен, тамақтану жəне мемлекеттік шəкіртақымен қамтамасыз етіледі. Академияның күндізгі оқу түрінің толық курсын бітірген тыңдаушыға «әділет лейтенанты», «полиция лейтенанты» атағы беріліп, түлектердің әрқайсысына алған мамандығына сай қызмет орны ұсынылады, – деді Мұрат Аманат. Кездесу соңында оқушылар мен студенттер полицияда қызмет ету преспективасы , оқу сапасы туралы өздерін толғандыратын сауалдарына жауап алды және оларға оқуға түсу жадынамасы таратылды.
