Қазақстанда емханаға тіркелудің жаңа ережелері пайда болды. Денсаулық сақтау министрлігі алғашқы медициналық-санитарлық көмек ұйымдарына (МСАК) тіркелу қағидаларына өзгерістер мен толықтырулар енгізетін бұйрық жобасын әзірледі, — деп хабарлайды Massaget.kz тілшісі.
Жобаға сәйкес өзгерістер студенттерге, әскерге шақырылғандарға және кәмелетке толмағандарға қатысты:
Студенттер: университеттер мен медреселерде оқитын резидент емес студенттер электронды үкімет порталы немесе қағаз түрінде жақын жердегі емханаға тіркеле алады. 18 жасқа толмаған студенттер үшін заңды өкіл қажет болады. 18 жастан асқан студенттер нақты тұрғылықты жері бойынша да, оқу орнының орналасқан жері бойынша да өз бетінше тіркеле алады.
Әскерге шақырылушылар: Әскерге шақырылатын жастар үшін электронды портал арқылы немесе қағаз түрінде тіркеу мүмкіндігі де болады.
Кәмелетке толмағандар: енді ата-аналар мен қамқоршылар балаларды нақты тұрғылықты жері бойынша емханаға орналастыра алады, бұл Денсаулық сақтау министрлігінің жоспарына сәйкес тіркелген жерінде тұрмайтын отбасылардың медициналық қызметтерге қол жеткізуін жеңілдетеді.
Жыл сайынғы тіркелу науқанының уақыты да бұрынғыдай 15 қыркүйек пен 15 қараша емес, 1 қыркүйектен 1 қарашаға дейін өзгереді.
