СІМ Анкарадағы терактіде зардап шеккендер мен қаза тапқандар арасында қазақстандықтардың бар-жоғы туралы айтты, — деп хабарлайды Tengrinews.kz тілшісі.
ҚР Сыртқы істер министрлігі мәліметінше, Түркиядағы терактіде зардап шеккендер мен қаза тапқандар арасында қазақстандықтар жоқ. Бұл ақпаратты СІМ ресми өкілі Айбек Смадияров растады.
Еске салайық, шабуыл сәрсенбіде Түрік аэроғарыштық компаниясы — Анкарадағы TUSAŞ зауытының аумағында болған. Түрік бұқаралық ақпарат құралдары мәліметінше, алдымен куәгерлер кәсіпорын қақпасындағы жарылысты естіген, содан кейін атыс болған.
Кейін Түркияның Ұлттық қорғаныс министрлігі Сирия мен Ирактың солтүстігінде әуе операциясын жүргізді.
