Қазақстанда АЭС салу бойынша референдум қандай жағдайда өтті деп есептеледі. Бұл туралы Орталық сайлау комиссиясы (ОСК) айтып берді, — деп хабарлайды Tengrinews.kz тілшісі.
Республикалық референдум туралы Заңға сәйкес, дауыс беруге құқығы бар қазақстандықтардың жартысынан көбі қатысуға тиіс. Соңғы мәліметтер бойынша, бұл 12 244 683 адам. Тиісінше, жартысы 6 122 342 адам.
«Референдумға шығарылған мәселе бойынша шешім, егер оның оң шешімі үшін дауыс беру нәтижесінде дауыс беруге қатысқан азаматтардың жартысынан көбі оны жақтап дауыс берсе, қабылданды деп есептеледі», — деп хабарлады ОСК Tengrinews.kz редакциясының ресми сұрауына берген жауабында.
Референдумға қанша қазақстандықтың АЭС салуды жақтап немесе қарсы дауыс беретіні дауыс беру күні – 6 қазандағы жалпы халықтың қатысу нәтижесіне қарай белгілі болады.
Еске салайық, атом электр станциялары бойынша референдумға арналған бюллетеньде қазақстандықтардан бір сұраққа жауап беру сұралады: «Сіз Қазақстанда АЭС салынуына келісесіз бе?»
Жауаптың екі нұсқасы болады: «Иә, келісемін» немесе «Жоқ, келіспеймін». Дауыс беру бюллетенінің қандай болатынын мына жерден көруге болады.
