Бүгін Жетісу облысы Сарқан қаласында «Таза Қазақстан» акциясы аясында тазарту жұмыстары жүргізілді. Ауданның қоғамдық кеңес мүшелері, қоғам белсенділері, аудандық мекеме ұжымдары, жастар мен қала тұрғындары қатысқан тазалық шарасына 200-ге жуық адам қатысты. Акция қатысушылары аудан орталығының парктері, аллеяларын тазартып, қоқыстарды жинады. Одан өзге де мекеме қызметкерлері өз жұмыс орындарының аулаларын тазартып, экологиялық акцияға белсене ат салысты.
Акция барысында барлығы 1 тоннаға жуық қоқыс жиналды. Акция қатысушылары алдағы уақытта да аудан жұртшылығын тазалық щараларына белсене қатысуға шақырып, туған жердің тазалығы әркімнің өз үйінен басталатынын ескертті.
«Жаңа Қазақстан – таза Қазақстаннан басталады. Біз қоғамдық кеңес мүшелері «Таза Қазақстан» акциясына атсалысудамыз. Егер қаламыз, ауылымыз, тұратын баспаналарымыз таза болатын болса деніміз де сау болады», — дейді Сарқан аудандық аналар кеңесінің төрайымы Күлбаршан Мырзабайқызы Қалиева.
