Сотталғандарды жұмыспен қамту ешқашан күн тәртібінен түспей келе жатқан мәселе. Түзеу мекемелерінің аумағында шағын өндіріс орындарын ашу осы мәселенің түйінін шешуге айтарлықтай ықпал етуде.
Алматы қаласы, Алматы және Жетісу облыстары бойынша ҚАЖД №11 мекемесінің шаруашылық аумағында «Azeris» жиһаз цехының ашылу салтанатты іс-шарасы өтті.
Бұл іс-шараға ҚАЖ Департаментінің сотталғандардың еңбегін ұйымдастыру бөлімінің қызметкерлері, Атамекен кәсіпкерлер палатасының Бизнесті қорғау және әкімшілік тосқауылдарды төмендету бөлімінің басшысы және мекеме басшылығы қатысты.
«Azeris» жеке кәсіпкерлігі жиһаз жасауға арналған өндіріс орны, мекемеде жазасын өтеп жатқан 8 жасөспірімді ақылы жұмыспен қамтамасыз етті.
Жазалы жасөспірімдер аталған цехта зор ынтамен жұмыс істеуде. Бір жағынан қазір сұранысқа ие жиһаз мамандығын игерсе, екінші жағынан табыс тауып, сотпен белгіленген шығындарын өтеуге және туғандарына қаржылай көмектесуде.
