Қытайдағы жойқын торнадо бес адамның өмірін қиып кетті, — деп хабарлайды Tengrinews.kz тілшісі «Синьхуа» басылымына сілтеме жасап.
Жұмада түстен кейін Хэцзе қаласындағы Дунмин және Цзюаньчэн округінде торнадо соқты. Апат салдарынан 88 адам жарақат алды, олардың бесеуі қайтыс болды.
Алдын ала мәліметтер бойынша торнадо 2820 ғимарат пен 48 электр желісіне зақым келтірді. Ол 4060 гектарға жуық ауылшаруашылық жерлеріне де зиянын тигізді.
Жедел жөндеу жұмыстарынан кейін көлік байланысы, байланыс, су және электрмен жабдықтау желілері қалпына келтірілген.
