Алматы қаласы, Алматы және Жетісу облыстары бойынша Қылмыстық-атқару жүйесі департаментінің №72 мекемесінің (Тергеу изоляторы) шаруашылық жасағындағы сотталғандар 6 шілде – Қазақстан Республикасының Астана күнін салтанатпен атап өтті.
Сотталғандар еліміздің ірі саяси орталығы ғана емес, маңызды халықаралық іс-шаралардың орталығына айналып отырған Астана қаласының тарихымен танысып, Астана қаласына арналған өлеңдерін оқыды.
Салтанатты іс-шара барысында жазалы жандар өз күштерімен даярлаған концерттік бағдарламаларын ұсынып, Астана туралы әндер шырқады.


