Қазақстан Республикасы Мемлекеттік қызмет істерінің Алматы қаласы бойынша департаментінің мемлекеттік қызмет саласындағы бақылау басқармасының бас маманы Қошатаев Сәбит Рысбекұлы және Алматы қаласы әкімі аппаратының Әдеп жөніндегі уәкілі Ахетов Мамай Қаниұлымен Алматы қаласы Коммуналдық инфрақұрылымды дамыту басқармасы қызметкерлерімен шығып кездесу өтікізілді.
Алғашқы болып сөз алған Мамай Қаниұлы, мемлекеттік қызметшілердің құқықтық сауаттылығын ұстануда азаматтармен қарым-қатынасы , әдеп нормалары, сыбайлас-жемқорлыққа қарсы төзбеушілік және діни нанымдарына байланысты тақырыпты кеңінен ашып тарқатты.
Сәбит Рысбекұлы өзінің сөз кезегі барысында мемлекеттік қызметте болуға байланысты шектеулер туралы, сондай-ақ мемлекеттік қызметшілердің жұмыстан тыс уақыттағы бейәдеп қылықтары туралы әңгіме өрбітті.
Кездесу барысында мемлекеттік қызмет саласы бойынша сұрақтар қойылып, оған барынша жауап берілді.
Цифрландыру бойынша бір маманның бірнеше бағдарлама арқылы жұмыс істеуі және физикалық тұрғыдан үлгермей жататындығы, соның салдарынан жұмыс регламенттері сақталмай жататындығы айтылды.
Осы тұрғыда дәйекті материалдар жинақталып, ұжымда жан-жақты фунционалдық міндеттері қарастырыла отырып, департаментке немесе уәкілетті органға ұсыныс ретінде жолдау керектігі түсіндірілді.
Осындай ашық сұхбаттар, семинарлар арқылы мемлекеттік қызмет саласындағы оңтайландырылатын өзекті мәселелер мен мемлекеттік қызмет саласын жақсарту мақсатындағы ұсыныстар басты назарға алынып, жұмыс істелінетін болады.
Департаменттің
мемлекеттік қызмет саласындағы
бақылау басқармасының бас маманы
Сәбит Рысбекұлы Қошатаев
