Ұлттық тестілеу орталығы 2024-2025 оқу жылына арналған, грант конкурсына қатысу үшін қажет жоғары оқу орындарының шекті балдары туралы ақпаратты жариялады, — деп хабарлайды Tengrinews.kz тілшісі.
Орталық мәліметінше, «Математика мұғалімдерін даярлау» мамандығы бойынша грантқа академик Е.А. Бөкетов атындағы Қарағанды университетіне түсу үшін кемінде 77 балл жинау керек.
«Л.Н. Гумилев атындағы ЕҰУ-не 110 балл, SDU University-не 120 балл қажет», — деп жазылған мәліметте.
Еске салайық, бұған дейін 2024 жылы Қазақстанның жоғары оқу орындарына түсу үшін шекті балл өзгеріссіз, яғни кемінде 50 балл және ұлттық жоғары оқу орындарына түсу үшін кемінде 65 балл болып қалатыны хабарланды.
