Бүгін Қазақстанда 2024 жылғы негізгі ҰБТ басталды. 180 мыңнан аса түлек тестілеуге қатысуға ниет білдірген, әрқайсында екі мүмкіндік болады. Бұл туралы Білім және ғылым министрлігі Ұлттық тестілеу орталығының директоры Болатбек Әбдірасилов мәлімдеді, — деп хабарлайды Tengrinews.kz тілшісі.
Әбдірасиловтың айтуынша, бүгін Қазақстанның 14 облысында 2024 жылғы негізгі ҰБТ басталды, ол 5 шілдеге дейін жалғасады.
«Биыл талапкерлерге негізгі ҰБТ-ны екі рет тапсыру мүмкіндігін береміз және ең жақсы нәтижемен гранттар конкурсына қатыса алады. Тестілеуге 181 мың талапкер ниет білдірді, екі рет қатысу мүмкіндігін ескергенде, бүгінде 330 мыңға жуық өтініш қабылданды. Алты өңірде өтініштерді қабылдау әлі жалғасып жатқанын тағы да еске саламын», — деді Әбдірәсілов Орталық коммуникациялар қызметінің брифингінде.
Оның айтуынша, талапкерлердің басым көпшілігі емтихан тапсыру үшін қазақ тілін таңдаған. Ол — 75 пайыз. Түлектердің 25 пайызға жуығы орыс тілін таңдаса, 221 адам ағылшын тілін таңдаған.
