Қазақстан Республикасы Қаржы министрлігінің Мемлекеттік кірістер комитеті көлік салығы бойынша ең көп қарыз сомасын мәлім етті, — деп хабарлайды Tengrinews.kz тілшісі.
Қаржы министрлігі Мемлекеттік кірістер комитеті мәліметінше, көлік салығы бойынша ең көп қарыз Алматы тұрғынында «жиналған».
«Биылғы 25 наурыздағы жағдай бойынша, жеке тұлғалардың көлік құралдары салығы бойынша ең көп қарыз Алматы бойынша салық төлеушіге тиесілі – 20,7 миллион теңге, оның ішінде салық – 10,8 миллион теңге және өсімпұл – 9,9 миллион теңге», – деп хабарлады Қазақстан Республикасы Қаржы министрлігі Мемлекеттік кірістер комитеті редакция сауалына жауап бере отырып.
