Алматы қаласы, Алматы және Жетісу облыстары бойынша ҚАЖД №72 мекемесіне қоғамдық қорғаушы тергеу-қамауға алынған адамға тыйым салынған заттарды кіргізбек болды.
Тексеру бөлмесінде белбеуінде жасырылған 3 дана ұялы телефон, 2 usb сымы және 4 сим-карта табылып, тәркіленді.
«Осы факт бойынша ҚР ӘҚБтК 481-бабына сәйкес заңнамада белгіленген тәртіппен бастапқы материалдар жиналып, одан әрі шешім қабылдау үшін сотқа жіберілетін болады»,- деп атап өтті мекеме бастығы.
